Монполимет Групп нь 1992 онд байгуулагдсан. Уул уурхай, байгаль орчны нөхөн сэргээлт, барилгын материал үйлдвэрлэл, барилга байгууламж, гадаад худалдааны чиглэлээр үйл ажиллагаа явуулж буй үндэсний үйлдвэрлэгч – хөрөнгө оруулагч компани юм.

Манай компани үйл ажиллагаа явуулж буй салбар бүртээ байгальд ээлтэй эко шийдэл бүхий шинэ нөү-хау, инноваци, дэвшилтэт технологийг нэвтрүүлэх, ногоон хөгжлийг дэмжихийг эрхэм зорилгоо болгон ажиллаж байна.

Монполимет ХХК нь хариуцлагатай уул уурхайд зөв менежментийн бодлого баримтлан, чадварлаг үндэсний мэргэжлийн инженер техникийн ажилтантай хамт олныг бүрдүүлж, нөхөн сэргээлтийн арга туршлагыг амьдралд бодитойгоор хэрэгжүүлсэнээр 2000-2018 онуудад УУХҮЯ, БОАЖЯ, ЭБЭХЯ, МХЕГ, АМГТГ, МҮХАҮТ-аас шалгаруулдаг Монголын “Уул уурхайн салбарын тэргүүний нөхөн сэргээгч байгууллага”-аар 20 гаруй удаа шалгарч байсан Монгол улсын ТОП-100 аж ахуй нэгжийн нэг, хөгжлийг бүтээгч, үндэсний хөрөнгө оруулагч аж ахуй нэгж юм.